佔中問題核心的最核心

辯論到牙血都出埋，大佬你可唔可以落街睇下個世界發生緊咩事？仲同我講毛澤東點樣帶領中國進步，好比唔比，同差既比，永遠較好。文革要食樹皮，依家俾塊樹葉你，係咪好好食呀，唔該向前望啦！

不尊重人既人，請反思檢討；無立場既人，繼續讓女人同學生站前線衝。不支持仲要踩多腳的人，我覺得你直情人格有問題，毫無惻隱之心。你可以照常吃喝玩樂，不需要終日愁雲慘霧怒罵度日以凸顯立場，不過各位香港人，我同你講，事件發生至此避無可避，選擇繼續站在一旁冷眼旁觀，冷笑人地傻仔，最後aer都無得aer睇下你有無得揀唔做傻仔。
反對佔中之理據1：佔中擾亂社會秩序，影響經濟。

由學民思潮發起的靜坐開始時想在維園舉行，康文署卻要求一個學生團體買1000萬保險，又話場地已book，然而活動水盡鵝飛。學民唯有去政總靜坐抗議，但被多次驅趕，公民廣場的鐵馬圍牆越劃越細，跟住被警方武力清場，可能要歸家先有地方靜坐。市民連集會權利都無，該份不反對通知書話收就收，解釋都費事，張摺凳支筆本簿呢，有計傾咩？林渙光出來說溝通重要，請幫忙叫CY出黎傾。

反對佔中之理據2：佔中人仕對警察用粗口，而且有推撞，對警察安全有威脅。
解說：總有個別人用較為激動方法表達自己，但好似城市論壇D人俾人鬧得甘D，用粗口係唔啱，但起碼夠勇，有時沒有粗口的說話更難聽。雖然我更加恐懼的是「愛港力」淨心BB那種轟炸，驚陳茂波個種鬼鼠。再者警隊都有強姦犯，老師、律師都有衰人，總有害群之馬，不能一竹篙打一船人，更何況，之前已經發現有好多滋事份子都係臥底，有收錢遊行，近幾年竟然見慣不怪。何況警察個個咁健壯攞住成支槍又盾牌咁企係你面前，邊個驚D呀? 我地得雙手、一把口、加塊保鮮紙、再夾多把遮，無論如何，總之郁手打人先0個個就唔啱，仲要攻擊高舉雙手示意無敵意既平民。

反對佔中之理據3：佔中阻塞主要道路，影響公眾安全。

係無錯，係點講都唔啱，因為影響到好多人，如果有人真係因此而失救，真係無人想。係咪不顧後果？起碼唔係存心想有人受傷害，落order用摧淚彈個個就係經心思熟慮，竟然話因為太混亂所以可能無舉起過警告會發摧淚彈字眼既橫額，人黎嫁，下次唔該印雙面呀大佬。所有事發生都係有原因，見理據1，但點都唔應該將所有罪名加誅佔中人士身上，唔通中環依家空氣質素好左咁多，對大家健康好左，佔中人士要邀功？

反對佔中之理據4：佔中人士爭取普選，袋住先，好過無。

一人一票選舉產生的特首是否最好，根本無人知，但起碼自己揀，若阿媽揀定幾個人選然後要你去相體，無問題就拿拿臨結婚，快快手生仔，過程呢? 陪我過下半世的另一半，至少要觀察一下人品，睇下佢對幾好，係咪真心，過程吵吵鬧鬧少不免，但選擇了結了婚，要再回頭不是苦了自己。想不到狼狼會出動防暴警察放漼淚彈，怪不得唐唐要洩露行會機密對話，都要當眾道出。

咁多人走出黎，非一朝一夕，非一人所控，面對既除左係因為之前房屋署署長、前廉政公署署長、前政務司司長等一系列醜聞，暴力鎮壓學生、假普選等，都只是衍生問題。問題核心係由領班既政權的極黑暗及唯我獨尊的霸道。康熙話要以人為鏡，以史為鑑，作為中國人，一齊聽下明代思想家王陽明有咩講：

「大學者，昔儒以為大人之學矣。敢問大人之學何以在於明明德乎？」

陽明子曰：然則何以在“親民”乎？
曰：明明德者，立其天地萬物一體之體也，親民者，達其天地萬物一體之用也。故明明德必在於親民，而親民乃所以明其明德也。

曰：然則又烏在其為“止至善”乎？
曰：至善者，明德、親民之極則也。天命之性，粹然至善，其靈昭不昧者，此其至善之發見，是乃明德之本體，而即所謂良知也。至善之發見，是而為是，非而為非﹒…
故止至善之於明德、親民也，猶之規矩之于方圓也，尺度之於長短也，權衡之於輕重也。故方圓而不止於規矩，爽其則矣；長短而不止於尺度，乖其劑矣；輕重而不止於權衡，失其准矣；明明德、親民而不止於至善，亡其本矣。

故止於至善以親民，而明其明德，是之謂大人之學。

請愛民如子。