天鴿啟示錄

刊登於招職jiujik 生活資訊頻道 (28/8/2017)

10號颶風天鴿到訪，唔少香港人是以樂觀的態度歡迎，等食花生，等放假，等睇浪等等，甚至有人濫用Facebook Safety Check 的報平安功能，FB這功能是嚴肅的，為附近有危險的人提供緊急互助，亦有尋找資訊的用途。但套用在香港，要求援助的內容變為「想有人買外賣俾我食」、「提供猛男1個幫你遮風擋雨」，真正是低能，唔係唔俾，不過講笑話都要講timing，坦白講，濫用的人為數不少，更何況會將真正有需要的PO推落去，正正表達出何謂損人不利己，超低能。

  又或者，低能係純粹出於貪玩，覺得好玩係因為冇危機意識，因為香港人遇到的天災實在少之又少，而且社區管理一向完善，充分表現出住在香港這片土地上有多幸福。反觀珠海澳門的斷水斷電、水浸及傷亡，天鴿簡直帶着警世作用。據聞兩地有意外，當地人拍片都會立即報料俾香港人，所以大家在各群組不斷收到風災短片，眾多片中最令人心酸的，是螳臂擋車，以身撐車，最後敵不過疾風而被壓死，想必此車是他的身家財產，可惜性命就此斷送。天災帶來的警世訊息，希望大家多了解其他地方其他人面對的不幸，挽回少少危機意識，珍惜風平浪靜的日子。